১১ ছেপ্তেম্বৰ, গুৱাহাটী : মহানগৰীত প্ৰতিদিনে বৃদ্ধি পাইছে অপৰাধজনিত ঘটনা। ফাঁচীবজাৰত দোকানৰ পৰা গ্ৰাহকৰ বেশেৰে এজন ছাত্ৰই ১.১১ লাখ টকা লুটি নিয়ে।
কালি ফাঁচীবজাৰৰ ২ নং গেটৰ এখন কেমেৰাৰ বিপনীত ছয়গাৱঁৰ এম দাস নামৰ এজন যুৱকে কেমেৰা মেৰামতি কৰিবলৈ দিছিল। কেমেৰাটো মেৰামতিৰ পিছতে বিপনীখনৰ পৰা টকাৰ টোপোলাটো লৈ যুৱকজন উধাও হয়।
{{4CSF_UaoTFkjY5BY3FzZ}}
বিপনীখনৰ কৰ্মচাৰীয়ে যুৱকজনৰ সৈতে যোগাযোগ কৰিবলৈ চেষ্টা কৰিছিল যদিও ফোন ছুইচ অফ পায়। ঘটনা সন্দৰ্ভত বিপনীখনৰ স্বত্বাধিকাৰীজনে পানবজাৰ থানাত এটা গোচৰ ৰুজু কৰিছে। পানবজাৰ আৰক্ষীয়ে ঘটনা সন্দৰ্ভত তদন্ত অব্যাহত ৰাখিছে।